سی ٹی ڈی نے ڈیرہ اسماعیل خان ریجن میں کارروائی کرتے ہوئے 3 مطلوب دہشت گردوں کو ہلاک کر دیا۔ تفصیلات کے مطابق سی ٹی ڈی کے ترجمان نے کہا کہ ہلاک دہشت گرد پولیس اور سکیورٹی فورسز پر حملوں میں ملوث تھے۔
سی ٹی ڈی کے ترجمان کا کہنا ہے کہ ہلاک دہشت گردوں سے 3 کلاشنکوف، 9 میگزین اور 2 دستی بم برآمد ہوئے
وزیر داخلہ کا بیان
وفاقی وزیر داخلہ محسن نقوی نے ڈیرہ اسماعیل خان میں تین دہشت گردوں کو ہلاک کرنے پر سی ٹی ڈی کی صلاحیتوں کو سراہتے ہوئے کہا کہ فتنہ الہندوستان کے ناسور کے مکمل خاتمے کے لیے قوم بہادر فورسز کے شانہ بشانہ ہے۔
محسن نقوی نے سی ٹی ڈی کے جوانوں کی بہادری کو سراہتے ہوئے کہا کہ سی ٹی ڈی نے 3 دہشت گردوں کو عبرتناک انجام تک پہنچا کر مذموم عزائم کو ناکام بنایا۔انہوں نے مزید کہا کہ خیبر پختونخوا میں قیام امن کے لیے سی ٹی ڈی سمیت تمام اداروں کی کارروائیاں قابل تحسین ہیں۔
دیکھیں: فیلڈ مارشل عاصم منیر کی قیادت میں پاکستان کی سفارتی ساکھ میں اضافہ