Skip to content 
امارتِ اسلامیہ افغانستان کے ترجمان ملا ذبیح اللہ مجاہد نے افغانستان اور تاجکستان کی سرحد پر حالیہ ہونے والے تصادم کے بارے میں ایک بیان جاری کیا ہے۔ ذبیح اللہ مجاہد نےتصدیق کی ہے کہ اس واقعہ کی وجہ سے دونوں ممالک کے سرحدی محافظوں کے مابین کشیدگی پیدا ہوئی۔ ان کے مطابق مسئلہ اس وقت شروع ہوا جب تاجک سرحدی محافظوں نے منشیات سمگل کرنے کی کوشش کرنے والے ایک مشکوک گروہ کو روک لیا۔ اس کے بعد صورت حال کشیدہ ہو گئی اور فائرنگ کا تبادلہ ہوا۔
تحقیقات کی تصدیق
افغان ترجمان ملا ذبیح اللہ مجاہد نے کہا کہ امارتِ اسلامیہ اس واقعے کی مکمل تحقیق کر رہی ہے۔ انہوں نے مزید کہا کہ حکومت اس بات کو یقینی بنانے کے لیے پرعزم ہے کہ سرحد پر امن و استحکام برقرار رہے اور کوئی بھی گروہ اسے غیر مستحکم کرنے کی کوشش نہ کر سکے۔
مذکورہ واقعہ اس وقت پیش آیا ہے جب خطے میں، خاص طور پر تاجکستان اور دیگر وسطی ایشیائی ریاستوں، میں افغانستان سے ممکنہ سلامتی کے خطرات کو لے کر تشویش پائی جاتی ہے۔ تاجکستان نے ماضی میں بھی افغان سرحد پر اپنی فوجی موجودگی بڑھانے اور سرحدی حفاظت کے اقدامات کو مضبوط بنانے کا اعلان کیا ہے۔
دیکھیں: افغانستان کے کینسر مریضوں کے لیے بھارت کی 18 اقسام کی ادویات کی فراہم
