بلوچستان میں حملے بھارتی سرپرستی میں ہوئے، سکھ فار جسٹس کے رہنماء کا بھارتی ایجنسیوں پر الزام

سکھوں کے حقوق کی عالمی تنظیم ’’سکھ فار جسٹس‘‘ کے سربراہ گرپتونت سنگھ پنوں نے بلوچستان میں ہونے والے دہشت گرد حملوں کو بھارتی سرپرستی میں انجام دیا گیا اقدام قرار دیا ہے۔

گرپتونت سنگھ پنوں نے اپنے بیان میں الزام عائد کیا ہے کہ یہ حملے بھارتی خفیہ ایجنسیوں کی پشت پناہی سے کیے گئے ہیں، جن کا مقصد پاکستان میں عدم استحکام پیدا کرنا ہے۔ انہوں نے اسے پاکستان اور امریکہ کے مشترکہ مفادات کے خلاف براہ راست جارحیت اور بین الاقوامی سازش قرار دیا۔ ان کا کہنا تھا کہ بھارت دہشت گرد گروہوں کو استعمال کرتے ہوئے پاکستان میں امریکی اور دیگر غیر ملکی سرمایہ کاری کو نقصان پہنچانا چاہتا ہے، تاکہ ملک کی معاشی ترقی متاثر ہو اور علاقائی بدامنی کو ہوا دی جا سکے۔ گرپتونت سنگھ پنوں نے واضح کیا کہ دہشت گردی بھارت کی منظم علاقائی پالیسی کا اٹوٹ حصہ ہے۔

انہوں نے مزید کہا کہ سکھ فار جسٹس ہمیشہ پاکستان میں دہشت گردی کی مذمت کرتی رہی ہے، جیسا کہ بھارت میں سکھوں سمیت اقلیتوں پر ہونے والے مظالم کے خلاف بھی آواز اٹھاتی رہی ہے۔

خیال رہے کہ بلوچستان میں سکیورٹی فورسز کے حالیہ آپریشنز میں فتنہ الہندوستان سے تعلق رکھنے والے 197 دہشت گردوں کو ہلاک کیا تھا۔

دیکھیے: بلوچستان کی سیکورٹی فائل