امریکی سفارتخانے نے سوشل میڈیا پلیٹ فارم ایکس پر جاری ایک بیان میں پاکستان کی جاری معاشی اصلاحات اور اقتصادی استحکام کو سراہتے ہوئے کہا ہے کہ میکرو اکنامک استحکام اور سرمایہ کاری کے بہتر ہوتے ماحول نے نجی شعبے کی ترقی کے لیے سازگار فضا فراہم کی ہے۔
بیان میں کہا گیا کہ پاکستان اور امریکہ کے درمیان اقتصادی روابط مسلسل آگے بڑھ رہے ہیں، جنہیں اصلاحاتی اقدامات اور سرمایہ کاروں کے بڑھتے ہوئے اعتماد کی حمایت حاصل ہے۔ حالیہ امریکی حکام کے ساتھ ملاقاتوں اور روابط میں اس امر کی توثیق کی گئی کہ تجارت اور نجی شعبے کا تعاون دوطرفہ تعلقات کے مرکزی ستون ہیں۔
سفارتخانے کے مطابق جاری تجارتی مکالمہ پاکستان کے مارکیٹ سائز، علاقائی کنیکٹوٹی اور جغرافیائی اقتصادی اہمیت کو اجاگر کرتا ہے، جبکہ شراکت داری میں کسی تعطل کے دعوے زمینی حقائق سے مطابقت نہیں رکھتے کیونکہ سفارتی اور کاروباری سرگرمیاں بدستور جاری ہیں۔ بیان میں مزید کہا گیا کہ دونوں ممالک کے تعلقات مشترکہ اقتصادی مفادات اور طویل المدتی استحکام کے تقاضوں کے تحت آگے بڑھ رہے ہیں، جو خطے میں اقتصادی تعاون کے نئے امکانات پیدا کر رہے ہیں۔
دیکھیے: افغانستان اور بھارت کا گٹھ جوڑ: پاکستان کے خلاف پراکسی وار کی نئی لہر