اسلام آباد: وفاقی وزیر اطلاعات عطاء اللہ تارڑ نے سوشل میڈیا پلیٹ فارم ایکس پر آپریشن غضب للحق کی تازہ ترین معلومات بیان کی ہیں۔ 6 مارچ شام 4 بجے تک کی صورتحال کے مطابق کارروائیوں میں 527 طالبان جنگجو ہلاک جبکہ 755 سے زائد زخمی ہوئے ہیں۔
عطاء اللہ تارڑ کے مطابق آپریشن کے دوران 237 چیک پوسٹیں تباہ کی گئیں جبکہ 38 چیک پوسٹوں پر قبضہ کرنے کے بعد انہیں بھی تباہ کر دیا گیا۔ انہوں نے مزید بتایا کہ کارروائیوں کے نتیجے میں 205 ٹینک، بکتر بند گاڑیاں اور آرٹلری گنز بھی تباہ کی گئی ہیں۔
ان کا کہنا تھا کہ آپریشن کے دوران افغانستان کے مختلف علاقوں میں 62 مقامات کو فضائی کارروائیوں کے ذریعے مؤثر انداز میں نشانہ بنایا گیا۔ وفاقی وزیر اطلاعات نے یہ تفصیلات اپنے سوشل میڈیا بیان میں شیئر کرتے ہوئے آپریشن کے دوران ہونے والے نقصانات کا خلاصہ پیش کیا۔
دیکھئیے: آپریشن غضب للحق: اب تک افغان طالبان کے 481 جنگجو ہلاک، 198 ٹینک اور بکتر بند گاڑیاں تباہ