رمضان المبارک کے پہلے دو عشروں کے دوران مسجد الحرام اور مسجد نبوی میں زائرین اور نمازیوں کی مجموعی تعداد 9 کروڑ 66 لاکھ 38 ہزار 865 ریکارڈ کی گئی۔
حرمین شریفین کے امور کی جنرل اتھارٹی کے مطابق اعداد و شمار مسجد الحرام اور مسجد نبوی کے داخلی دروازوں پر نصب جدید سینسر سسٹم کے ذریعے جمع کیے گئے۔
سعودی خبررساں ایجنسی کے مطابق مسجد الحرام میں گزشتہ 20 دنوں کے دوران 5 کروڑ 75 لاکھ 95 ہزار 401 افراد نے پانچوں وقت کی نمازیں اور تراویح ادا کیں جبکہ عمرہ کرنے والوں کی تعداد ایک کروڑ 56 لاکھ 5 ہزار 86 رہی۔
اسی عرصے میں مسجد نبوی میں 2 کروڑ 11 لاکھ 43 ہزار 259 افراد نے پانچ وقت کی نماز ادا کی جبکہ روضہ شریفہ (ریاض الجنہ) میں نوافل ادا کرنے والوں کی تعداد 5 لاکھ 79 ہزار 191 رہی۔
اس کے علاوہ ایک کروڑ 71 لاکھ 15 ہزار 928 افراد نے روضہ رسول ﷺ پر حاضری دے کر سلام پیش کیا۔
حرمین شریفین کے امور کی جنرل اتھارٹی کے مطابق زائرین کی تعداد کو مانیٹر کرنے کیلئے جدید سینسر ٹیکنالوجی استعمال کی جا رہی ہے جس سے ہجوم کے بہاؤ کو منظم کرنے اور انتظامی امور کو بہتر بنانے میں مدد ملتی ہے۔
دیکھئیے:مسجدِ اقصیٰ کی بندش: پاکستان سمیت 8 مسلم ممالک کی شدید مذمت