پاکستانی گلوکار عمیر جسوال کی انسٹاگرام اسٹوری سوشل میڈیا پر وائرل ہو گئی جس میں انہوں نے پارٹنر کو دھوکا دینے والوں کے بارے میں پیغام دیا ہے۔
عمیر جسوال نے اپنی انسٹا اسٹوری میں لکھا کہ اگر کوئی اپنے پارٹنر کو دھوکا دیتا ہے تو وہ ہمارے ساتھ نہیں رہ سکتا اور کہا کہ ہمیں اس عمل کو 2026 میں عام کر دینا چاہیے۔
گلوکار کی یہ اسٹوری سوشل میڈیا پر تیزی سے وائرل ہو گئی جہاں متعدد صارفین ان کی رائے سے اتفاق کرتے نظر آئے۔
واضح رہے کہ عمیر جسوال نے اپنی پوسٹ میں کسی فرد کا نام نہیں لیا۔
یاد رہے کہ عمیر جسوال اور اداکارہ ثنا جاوید اکتوبر 2020 میں رشتہ ازدواج میں منسلک ہوئے تھے تاہم بعد میں دونوں کے درمیان علیحدگی ہو گئی تھی۔
2024 میں ثنا جاوید نے کرکٹر شعیب ملک سے دوسری شادی کا اعلان کیا جبکہ اسی سال اکتوبر میں عمیر جسوال نے بھی اپنی دوسری شادی کا اعلان کیا تھا
دیکھئیے:شوبز انڈسٹری کے اندرونی مسائل پر اداکارہ صحیفہ جبار کا اہم انکشاف