تل ابیب: ایران کے جوابی میزائل حملوں کے بعد اسرائیلی وزیراعظم بنیامین نیتن یاہو نے صورتحال کو “انتہائی مشکل شام” قرار دے دیا، جبکہ جنوبی اسرائیل کے شہروں میں جانی و مالی نقصان کی اطلاعات سامنے آئی ہیں۔
سوشل میڈیا پر جاری بیان میں نیتن یاہو نے کہا کہ مشکل حالات کے باوجود اسرائیل اپنے دشمنوں کے خلاف کارروائیاں جاری رکھے گا۔ انہوں نے اسے اسرائیل کے مستقبل کی جنگ قرار دیا۔
رپورٹس کے مطابق ایران نے دیمونا اور عراد سمیت جنوبی اسرائیل کے مختلف علاقوں کو نشانہ بنایا، جہاں متعدد عمارتیں تباہ ہوئیں۔ اسرائیلی میڈیا کے مطابق عراد میں حملوں کے نتیجے میں 6 افراد ہلاک اور 100 سے زائد زخمی ہوئے، جبکہ دیگر حملوں میں زخمیوں کی مجموعی تعداد 150 سے تجاوز کر گئی۔
دوسری جانب اسرائیلی وزارت تعلیم نے سکیورٹی صورتحال کے پیش نظر ملک بھر کے تعلیمی ادارے بند رکھنے کا اعلان کر دیا ہے اور شہریوں کو گھروں میں رہنے کی ہدایت کی گئی ہے۔
ایرانی حملے مبینہ طور پر نطنز میں جوہری تنصیبات پر امریکا اور اسرائیل کی کارروائیوں کے ردعمل میں کیے گئے، جن میں دیمونا کے ایٹمی مرکز کو بھی نشانہ بنایا گیا۔
دیکھئیے:ٹرمپ کی ایران کو سخت وارننگ، آبنائے ہرمز نہ کھلنے پر 48 گھنٹوں میں فیصلہ کُن کاروائی کا اعلان