تہران: ایران کی پاسداران انقلاب کے ترجمان ابراہیم ذوالفقاری کا امریکی صدر ڈونلڈ ٹرمپ کو دیا گیا طنزیہ پیغام عالمی سطح پر توجہ کا مرکز بن گیا ہے، جسے جاری کشیدگی کے تناظر میں اہم قرار دیا جا رہا ہے۔
انہوں نے امریکی صدر کو مخاطب کرتے ہوئے کہا کہ “ہے ٹرمپ، آپ فارغ ہو گئے ہیں، آپ اس جملے سے واقف ہیں۔ اس معاملے پر توجہ دینے کا شکریہ۔”، جو ٹرمپ کے معروف جملے “یو آر فائرڈ” کی طرف اشارہ تھا۔
میڈیا رپورٹس کے مطابق یہ بیان ایک طنزیہ اور نفسیاتی پیغام کے طور پر دیکھا جا رہا ہے، جس میں ایران نے امریکی پالیسیوں پر تنقید کرتے ہوئے خود کو پُراعتماد ظاہر کیا ہے۔
ذوالفقاری نے اس سے قبل بھی کہا تھا کہ جنگوں کا فیصلہ سوشل میڈیا پر نہیں بلکہ میدان میں ہوتا ہے، جبکہ امریکی آپریشن کے نام ایپک فیوری کو انہوں نے طنزیہ انداز میں ایپک فیئر قرار دیا تھا۔
تجزیہ کاروں کے مطابق یہ بیان ایران اور امریکا کے درمیان جاری کشیدگی کے دوران ایک علامتی اور نفسیاتی ردعمل کے طور پر سامنے آیا ہے، جس پر عالمی سطح پر بحث جاری ہے۔
دیکھئیے:ایران، اسرائیل، امریکہ کشیدگی: ایک نہ ختم ہونے والا فتنہ