کراچی: اداکار گوہر رشید نے مداحوں سے اپیل کی ہے کہ خانہ کعبہ میں طواف کے دوران ویڈیوز اور سیلفیز بنانے سے گریز کریں اور عبادت کے تقدس کا خیال رکھیں۔
نجی ٹی وی پروگرام میں حالیہ گفتگو کرتے ہوئے گوہر رشید نے عمرے کے دوران پیش آنے والا واقعہ بیان کیا، جس میں ایک شخص نے طواف کے دوران سیلفی لینے کی کوشش کی۔ اداکار کے مطابق انہوں نے اس شخص کو منع کرتے ہوئے کہا کہ مقدس مقام پر اس طرح کی سرگرمیاں مناسب نہیں۔
انہوں نے کہا کہ لوگ عبادت کے لیے آتے ہیں لیکن اس دوران ویڈیو اور تصاویر بنانے میں مصروف ہو جاتے ہیں، جو روحانیت کے منافی ہے۔
گوہر رشید نے مداحوں سے درخواست کی کہ طواف جیسے مقدس عمل کے دوران موبائل فون کے استعمال سے گریز کریں اور مکمل توجہ عبادت پر رکھیں۔
دیکھئیے:عیدالفطر پر فضا علی کی نئی شروعات، تیسری شادی کا اعلان کر دیا