کراچی: عیدالفطر کی تعطیلات کے بعد پاکستان اسٹاک ایکسچینج میں کاروبار کا آغاز زبردست تیزی کے ساتھ ہوا، جہاں کے ایس ای 100 انڈیکس میں 4400 سے زائد پوائنٹس کا اضافہ ریکارڈ کیا گیا۔
مارکیٹ کے آغاز پر 100 انڈیکس 4449 پوائنٹس اضافے کے ساتھ 157190 کی سطح پر پہنچ گیا، جبکہ بعد ازاں انڈیکس 2000 سے زائد پوائنٹس اضافے کے ساتھ 154745 پر ٹریڈ کرتا رہا۔
ماہرین کے مطابق عالمی سطح پر مثبت رجحان نے بھی مارکیٹ کو سہارا دیا، خاص طور پر امریکی صدر ڈونلڈ ٹرمپ کی جانب سے ایران پر ممکنہ حملے پانچ روز کیلئے مؤخر کرنے کے اعلان کے بعد سرمایہ کاروں کا اعتماد بحال ہوا۔
عالمی مارکیٹس میں بھی تیزی دیکھی گئی، جاپان کا نکئی 0.75 فیصد، جنوبی کوریا کا کوسپی ڈھائی فیصد، شنگھائی اسٹاک ایک فیصد جبکہ بھارت کا نفٹی ففٹی بھی مثبت زون میں رہا۔
تجزیہ کاروں کے مطابق خطے میں کشیدگی میں عارضی کمی اور عالمی مارکیٹس میں بہتری کے اثرات پاکستان اسٹاک ایکسچینج پر بھی واضح طور پر نظر آئے ہیں۔
دیکھئیے:وزیراعظم کا اہم فیصلہ، سرکاری اخراجات میں کمی کی ہدایت