نئی دہلی: بھارت کی خصوصی عدالت نے کشمیری حریت رہنما آسیہ اندرابی کو عمر قید جبکہ ان کی دو ساتھیوں صوفی فہمیدہ اور ناہیدہ نسرین کو 30،30 سال قید کی سزا سنا دی ہے۔
بھارتی میڈیا کے مطابق دہلی میں نیشنل انویسٹی گیشن ایجنسی (این آئی اے) کی خصوصی عدالت کے جج چندر جیت سنگھ نے سزا سنائی۔ تینوں کو جنوری 2026 میں انسداد دہشتگردی قانون یو اے پی اے اور بھارتی تعزیرات کے تحت مختلف الزامات میں مجرم قرار دیا گیا تھا۔
استغاثہ کے مطابق آسیہ اندرابی پر “ریاست کے خلاف جنگ” اور دہشتگردی کی سازش میں ملوث ہونے کے الزامات عائد کیے گئے، جبکہ وہ کالعدم تنظیم دُخترانِ ملت کی بانی بھی ہیں۔
آسیہ اندرابی کو 2018 میں گرفتار کیا گیا تھا، جبکہ ان کی تنظیم کو بھارتی حکومت پہلے ہی پابندی کا شکار قرار دے چکی ہے۔ آسیہ اندرابی کے شوہر کو بھی عمر قید سنا دی گئی ہے
یہ فیصلہ حالیہ برسوں میں کشمیری قیادت کے خلاف اہم مقدمات کی کڑی ہے، اس سے قبل حریت رہنما یاسین ملک کو بھی 2022 میں عمر قید کی سزا سنائی جا چکی ہے۔
دیکھئیے: