اپنے بیان میں عطا تارڑ کا کہنا تھا کہ حکومت نے عمران خان کے بیٹوں کو پاکستان آنے کی دعوت دی تھی، تاہم اس معاملے کو غلط رنگ دیتے ہوئے گرفتاری کی کہانی گھڑی گئی۔
انہوں نے الزام عائد کیا کہ کچھ عناصر ملک دشمنی میں اس حد تک آگے بڑھ چکے ہیں کہ انہوں نے پہلے آئی ایم ایف سے پاکستان کی مدد نہ کرنے کی بات کی اور پھر جی ایس پی پلس اسٹیٹس ختم کروانے کی کوشش کی۔
وفاقی وزیر نے مزید کہا کہ بیرون ملک پاکستان کے خلاف مہم چلانے والے افراد سے ملاقاتوں اور تصاویر کے باوجود لاعلمی کا دعویٰ کیا جا رہا ہے، جبکہ اس حوالے سے ویڈیو شواہد بھی سامنے آ چکے ہیں۔
عطا تارڑ کا کہنا تھا کہ ایسی تمام کوششوں کے باوجود پاکستان کو نقصان نہیں پہنچایا جا سکتا اور ملک ترقی کی راہ پر گامزن رہے گا۔
دیکھئیے:قاسم خان کی جنیوا کانفرنس میں شرکت؛ عالمی فورمز پر سیاست یا قومی مفاد سے کھلواڑ؟