حکومتِ پاکستان نے پٹرولیم مصنوعات کی قیمتوں میں بھاری اضافے کا اعلان کر دیا ہے جس کا اطلاق 25 اپریل 2026 سے ہوگا۔ وزارتِ توانائی کے نوٹیفکیشن کے مطابق پٹرول اور ہائی اسپیڈ ڈیزل دونوں کی قیمتوں میں 26.77 روپے فی لٹر اضافہ کیا گیا ہے۔ اس فیصلے کے بعد پٹرول کی نئی قیمت 393.35 روپے جبکہ ہائی اسپیڈ ڈیزل کی قیمت 380.19 روپے فی لٹر کی سطح پر پہنچ گئی ہے۔
حکام کا کہنا ہے کہ قیمتوں میں یہ ردوبدل عالمی مارکیٹ کے رجحانات اور موجودہ معاشی صورتحال کو مدنظر رکھتے ہوئے کیا گیا ہے۔ پٹرولیم ڈویژن کے مطابق نئی قیمتوں کا مقصد سپلائی چین کو برقرار رکھنا اور بین الاقوامی منڈی میں ہونے والے اضافے کے اثرات کو منتقل کرنا ہے۔
عوامی حلقوں کی جانب سے قیمتوں میں اس اچانک اور بڑے اضافے پر تشویش کا اظہار کیا جا رہا ہے۔ دوسری جانب معاشی ماہرین کا ماننا ہے کہ عالمی منڈی میں قیمتوں کے اتار چڑھاؤ کی وجہ سے حکومت کے پاس اس اضافے کے علاوہ کوئی دوسرا راستہ موجود نہیں تھا۔
دیکھئیے:پاکستان نے متحدہ عرب امارات کے تمام ڈپازٹس واپس کر دیے؛ تین ارب پنتالیس کروڑ ڈالر کی ادائیگی مکمل