نئی دہلی: بھارتی حکام نے پاکستان کی مہمان نوازی اور ثقافت کی تعریف کرنے والے ایک سیاح کو ملک بدر کر دیا ہے۔ اس اقدام پر عالمی اور علاقائی سطح پر شدید تنقید کی جا رہی ہے۔
تفصیلات کے مطابق غیر ملکی سیاح نے اپنے پاکستان کے دورے کے دوران یہاں کے عوام کی مہمان نوازی اور کھلے پن کو سراہا تھا۔ سیاح کی جانب سے پاکستان کے مثبت پہلوؤں پر بنائی گئی ویڈیوز سوشل میڈیا پر سامنے آئیں جس کے بعد بھارتی حکام نے کارروائی کرتے ہوئے سیاح کو ملک بدر کر دیا۔
مبصرین کا کہنا ہے کہ اگر ایک سیاح کی جانب سے پڑوسی ملک کی تعریف کرنے پر ایسے اقدامات کیے جائیں تو یہ بھارتی حکومت کے کمزور بیانیے اور عدم برداشت کی عکاسی کرتا ہے۔ مضبوط ممالک ہمیشہ حقائق کا سامنا کرتے ہیں جبکہ کمزور حکومتیں لوگوں کی آوازیں دبانے کی کوشش کرتی ہیں۔
اس واقعے کے بعد انٹرنیٹ صارفین نے بھارت کی اس پالیسی کو کڑی تنقید کا نشانہ بنایا ہے اور سوشل میڈیا پر سچائی پر پابندی کے خلاف آواز اٹھائی جا رہی ہے۔ ناقدین کا ماننا ہے کہ بھارت پاکستان کے مثبت تشخص اور عالمی سطح پر پذیرائی سے خوفزدہ ہے۔
سفارتی ماہرین کا کہنا ہے کہ کسی بھی سیاح کو محض اس لیے ملک بدر کرنا کہ وہ ایک پڑوسی ملک کی تعریف کرے، آزادیِ اظہار پر پابندی کے مترادف ہے۔ اس اقدام سے بھارت کا نام نہاد روادار چہرہ ایک بار پھر دنیا کے سامنے بے نقاب ہو گیا ہے۔
دیکھئیے:بھارتی کمپنی کی مبینہ جعل سازی بے نقاب، ایرانی تجارت پر امریکی پابندیوں کی خلاف ورزی کا انکشاف