پہلگام سے بنیان مرصوص تک؛ بھارتی سازشوں کی ناکامی کی داستان

سوشل میڈیا پر وائرل ہونے والی ایک حالیہ دستاویزی ویڈیو نے خطے میں بھارت کی مبینہ ریشہ دوانیوں اور پاکستان کے مضبوط دفاعی نظام کو ایک نئے بیانیے کے ساتھ پیش کیا ہے۔ سچ کا معجزہ کے عنوان سے تیار کردہ اس مختصر ویڈیو میں 22 اپریل سے 10 مئی کے درمیان رونما ہونے والے فرضی عسکری تنازع کو حقائق کی بنیاد پر عکسبند کیا گیا ہے۔

بھارتی خفیہ مشن

ویڈیو میں تنازع کا آغاز بھارتی خفیہ ایجنسی را کے اس مذموم منصوبے سے ہوتا ہے جس کا مقصد مقبوضہ کشمیر کے علاقے پہلگام میں ایک خود ساختہ دہشت گردانہ حملہ کر کے اس کا ملبہ پاکستان پر ڈالنا تھا۔ نیز بھارتی فورسز نے پہلگام میں معصوم شہریوں پر اندھا دھند فائرنگ کی، جس کے فوراً بعد بھارتی میڈیا اور سیاستدانوں نے منظم پراپیگنڈے کے تحت پاکستان کے خلاف آپریشن سندھور کا شور و غوغا شروع کر دیا۔

پاکستانی انٹیلی جنس کی برتری

ویڈیو میں پاکستانی انٹیلی جنس ادارے کی پیشہ ورانہ مہارت کو دکھایا گیا ہے، جسے بھارتی جارحیت کی بروقت اطلاع مل جاتی ہے۔ جب بھارتی فضائیہ نے پاکستانی حدود کی خلاف ورزی کی کوشش کی، تو پاک فضائیہ کے شاہین دستوں اور جے ایف تھنڈر -17 طیاروں نے فوری ردِعمل دیتے ہوئے بھارتی رافیل سمیت متعدد طیاروں کو مار گرایا۔ ویڈیو میں بھارتی فضائیہ کے سربراہ کو اس اچانک اور بھرپور جواب پر صدمے کی حالت میں دکھایا گیا ہے۔

آپریشن بنیان المرصوص

جوابی کاروائی کے طور پر پاکستان نے “بنیان المرصوص” (سیسہ پلائی ہوئی دیوار) نامی آپریشن کا آغاز کیا۔ اس مرحلے پر پاکستانی میزائل سسٹم، بشمول شاہین اور غوری، نے بھارتی فضائی اڈوں سری نگر، اودھم پور اور ادھم پور کو نشانہ بنا کر دشمن کے دفاعی ڈھانچے کو مفلوج کر دیا۔ اس شدید ضرب کے نتیجے میں بھارتی قیادت خوفزدہ ہو کر بنکرز میں محصور ہو گئی اور عالمی طاقتوں سے جنگ بندی کی اپیلیں کرنے لگی۔

معرکہِ حق اور عزمِ نو

ویڈیو کا اختتام پاک فوج کے سربراہ جنرل عاصم منیر کے اس پُرعزم پیغام پر ہوتا ہے جہاں وہ افسران کے ہمراہ “پاکستان زندہ باد” اور “معرکہِ حق” کے نعروں کے ساتھ ملکی خود مختاری کے تحفظ کا اعادہ کرتے ہیں۔ یہ ویڈیو اس پیغام کے ساتھ ختم ہوتی ہے کہ سچائی اور جرات کے سامنے کسی بھی دشمن کی سازش کامیاب نہیں ہو سکتی۔