شمالی وزیرستان میں سکیورٹی فورسز کے ایک مبینہ آپریشن کے دوران حافظ گل بہادر گروپ سے وابستہ افغان دہشت گرد محمد وہاب عرف صیاد ہلاک ہو گیا ہے۔ ذرائع کے مطابق یہ کارروائی تین روز قبل کی گئی جس میں فورسز نے دہشت گردوں کے ٹھکانے کو نشانہ بنایا۔
ہلاک ہونے والا دہشت گرد محمد وہاب ولد محمد نبی، افغانستان کے صوبہ وردک کے ضلع سید آباد کے گاؤں حسن خیلو کا رہائشی تھا اور غیر قانونی طور پر سرحد عبور کر کے پاکستان میں داخل ہوا تھا۔
دہشت گرد محمد وہاب وزیرستان میں سکیورٹی فورسز پر حملوں اور دیگر تخریب کارانہ کارروائیوں میں گل بہادر گروپ کی معاونت کر رہا تھا۔ سکیورٹی ذرائع کا کہنا ہے کہ فورسز کے اس کامیاب آپریشن سے دہشت گردوں کے نیٹ ورک کو بڑا دھچکا لگا ہے۔ علاقے میں امن و امان کی صورتحال برقرار رکھنے کے لیے سکیورٹی فورسز کا کلیئرنس آپریشن تاحال جاری ہے۔
دیکھیے: بلوچستان میں فورسز کا آپریشن، فتنۃ الہندوستان کے 19 دہشت گرد ہلاک، 11 جوان شہید