ایرانی وزیرِ خارجہ عباس عراقچی نے کہا ہے کہ امریکی حملوں سے جاں بحق ہونے والے افراد کا خون رائیگاں جانے نہیں دیا جائے گا۔
جاری کیے گئے بیان میں انہوں نے کہا کہ آخری سانس تک وطن کا دفاع کیا جائے گا۔
ادھر ایران نے ہرمزگان صوبے پر امریکی حملوں میں جاں بحق ہونے والے 8 شہریوں کی تصاویر جاری کر دیں۔ شہداء میں 4 خواتین اور 2 معذور بھائیوں سمیت 4 مرد شامل ہیں۔
ایرانی وزیرِ خارجہ نے بندر خمیر میں امریکی حملے سے جاں بحق ہونے والے 3 شہریوں کی تصاویر بھی جاری کیں۔ عباس عراقچی کے مطابق یہ تینوں معصوم دیہاتی بندر خمیر پُل سے گزر رہے تھے جب انہیں نشانہ بنایا گیا۔
جسک میں انفراسٹرکچر پر حملہ
ایرانی میڈیا کے مطابق گزشتہ رات امریکی حملوں میں ایران کے شہر جسک میں بجلی کی تنصیبات اور ڈی سیلینیشن پلانٹ پمپ کو نشانہ بنایا گیا۔
واضح رہے کہ امریکا نے حالیہ دنوں میں ایران میں کئی پلوں اور دیگر انفراسٹرکچر کو نشانہ بنایا ہے، جس کے نتیجے میں جانی و مالی نقصان ہوا ہے۔
