متحدہ عرب امارات کی وزارت دفاع نے تصدیق کی ہے کہ 2 ایرانی بیلسٹک میزائلوں کا سراغ لگایا گیا ہے۔ حکام کے مطابق ایک میزائل سمندر اور دوسرا ساحل کے قریب گرا ہے۔
واقعے سے قبل شہریوں کے لیے سکیورٹی الرٹ جاری کر کے احتیاط کی ہدایت کی گئی تھی۔ اماراتی وزارت دفاع کے مطابق مسلح افواج ہائی الرٹ ہیں اور ملکی سلامتی کے لیے ہر خطرے سے نمٹنے کو تیار ہیں۔
بڑھتی کشیدگی کے پیش نظر امارات نے ایران سے تمام تجارتی و مالی روابط معطل کر دیے ہیں۔ اماراتی وزارت خارجہ نے اسے عالمی امن کے لیے خطرہ قرار دیا، جبکہ ایرانی ترجمان اسماعیل بقائی نے الزامات بے بنیاد قرار دے کر مسترد کر دیے۔
یہ تناؤ ایک ایسے وقت میں سامنے آیا ہے جب خلیجی خطہ شدید سکیورٹی بحران کا شکار ہے۔ اس سے قبل 13 اگست کو بھی امارات نے ایران پر آبنائے ہرمز میں اپنے تیل بردار جہازوں کو نشانہ بنانے کا الزام لگایا تھا۔