شہید ایس پی کے بیٹے کا بلند عزم، ملک بھر سے زبردست خراجِ تحسین

کوہاٹ مسجد حملے میں شہید ہونے والے ایس پی اکبر خان شنواری کے کمسن بیٹے نے کم عمری میں سر سے باپ کا سایہ اٹھ جانے کے باوجود بے مثال استقامت کا مظاہرہ کیا ہے۔ والد کی تدفین پر آخری سلام پیش کرتے ہوئے اس کے چہرے پر غم کے ساتھ پختہ عزم نمایاں تھا۔

شہید کے بیٹے نے اس عزم کا اعادہ کیا ہے کہ وہ پوری محنت کے ساتھ اپنی تعلیم جاری رکھے گا اور علم کی طاقت سے اپنے شہید والد کے ادھورے مشن کو پایۂ تکمیل تک پہنچائے گا۔

ملک بھر سے ستائش

کمسن بچے کے اس بلند حوصلے اور حب الوطنی کو ملک بھر میں زبردست خراجِ تحسین پیش کیا جا رہا ہے۔ عوامی و سماجی حلقوں نے اتنی چھوٹی عمر میں اس قدر فہم اور وقار کو قابلِ فخر قرار دیا ہے۔

شہریوں اور مبصرین کا کہنا ہے کہ پولیس شہدا کے بچوں کا یہ جذبہ اس بات کا ثبوت ہے کہ قوم دہشت گردی کے سامنے کبھی سرنگوں نہیں ہوگی۔ معصوم بچے کا یہ پرعزم رویہ پوری قوم کے لیے امید اور حوصلے کا استعارہ بن چکا ہے۔

دیکھیے: کوہاٹ پولیس لائنز حملہ: 20 گھنٹے بعد کلیئرنس آپریشن مکمل، 8 دہشت گرد ہلاک