حکومتی مذاکراتی کمیٹی نے جمعیت علمائے اسلام (ف) کے سربراہ مولانا فضل الرحمان سے ملاقات کی رپورٹ وزیراعظم شہباز شریف کو پیش کردی۔
حکومتی ذرائع کے مطابق مولانا فضل الرحمان حکومت اور اپوزیشن کے درمیان مذاکراتی ڈیڈلاک ختم کرانے اور تنازعات کے حل کے لیے اپنا کردار ادا کرنے کو تیار ہیں۔
ذرائع کا کہنا ہے کہ حکومتی کمیٹی نے مولانا فضل الرحمان کی جانب سے مصالحانہ کردار ادا کرنے کے لیے پیش کی گئی شرائط سے بھی وزیراعظم کو آگاہ کردیا ہے۔
کمیٹی نے وزیراعظم شہباز شریف کو مولانا فضل الرحمان کا خصوصی پیغام بھی پہنچایا ہے۔
ذرائع کے مطابق وزیراعظم شہباز شریف اور مولانا فضل الرحمان کے درمیان ٹیلی فونک رابطہ بھی متوقع ہے، جس میں مذاکراتی عمل اور موجودہ سیاسی صورت حال پر بات چیت کا امکان ہے۔
حکومتی ٹیم کی مولانا فضل الرحمان سے ملاقات ایسے وقت میں ہوئی ہے جب حکومت اور اپوزیشن کے درمیان مذاکرات کے حوالے سے ڈیڈلاک برقرار ہے۔
دیکھیے: سرکاری وسائل کا استعمال، پشاور ہائیکورٹ کا سہیل آفریدی سے جواب طلب