بلوچستان کے ضلع بارکھان میں کاؤنٹر ٹیررازم ڈیپارٹمنٹ (سی ٹی ڈی) نے انٹیلی جنس بیسڈ آپریشن کے دوران فتنۃ الہندوستان سے تعلق رکھنے والے 10 دہشت گردوں کو ہلاک کر دیا۔ کارروائی میں سی ٹی ڈی کے 2 اہلکار زخمی ہوئے۔
سی ٹی ڈی کے مطابق آپریشن ردالفتنہ 3 کے تحت بارکھان کے علاقے راڑہ شم میں دہشت گردوں کی موجودگی سے متعلق مصدقہ خفیہ اطلاع پر کارروائی کی گئی۔
حکام کے مطابق آپریشن کے دوران دہشت گردوں کے قبضے سے بھاری مقدار میں اسلحہ اور گولہ بارود بھی برآمد کیا گیا۔
بلوچستان میں کارروائیاں
سی ٹی ڈی کے مطابق بلوچستان میں دہشت گرد عناصر کے خلاف کارروائیوں میں سکیورٹی فورسز، پولیس اور کاؤنٹر ٹیررازم ڈیپارٹمنٹ مشترکہ طور پر سرگرم ہیں۔
سکیورٹی فورسز اور قانون نافذ کرنے والے اداروں نے اس عزم کا اظہار کیا ہے کہ بلوچستان سے فتنۃ الہندوستان سے منسلک دہشت گردوں کا خاتمہ کرنے کے لیے کارروائیاں جاری رکھی جائیں گی۔ حکام کے مطابق صوبے میں امن و امان کی بحالی اور عوام کے تحفظ کے لیے دہشت گرد عناصر کے خلاف اقدامات جاری رہیں گے۔
دیکھیے: دہلی میں حالات کشیدہ، احتجاج روکنے کے لیے 20 ہزار اہلکار تعینات کرنے کی تیاری