افغان طالبان کے نائب وزیرِ ثقافت حیات اللہ مہاجر فراہی کے اس بیان نے کہ پاکستان کے ساتھ جنگ میں دھکیلنا ایک غیر ملکی منصوبہ ہے، طالبان حکومت کا اصلی چہرہ فاش کر دیا ہے۔
یہ بیان اس بات کا واضح ثبوت ہے کہ افغان حکام خود دشمن ایجنسیوں کے ہاتھوں استعمال ہو رہے ہیں اور ان کی مالی معاونت پر پاکستان پر حملے کر رہے ہیں۔
دفاعی ماہرین کے مطابق افغان نائب وزیر کا یہ اعتراف ظاہر کرتا ہے کہ طالبان حکومت کالعدم تحریک طالبان پاکستان اور دیگر دہشت گرد گروہوں کی سرپرستی کر رہی ہے۔ افغان سرزمین سے پاکستان پر تمام حملے اسی بیرونی منصوبے کے تحت منظم اور مربوط انداز میں کیے جا رہے ہیں۔
جہاں تک افغان طالبان کی جانب سے پاکستانی فضائی کارروائیوں پر اب تک خاموشی کا تعلق ہے، تو اس کی بڑی وجہ بھارت سے احکامات اور مدد کا نہ ملنا ہے۔ جیسے ہی بھارتی ایجنسیوں کی جانب سے ہدایات اور فنڈز فراہم کیے جائیں گے، طالبان حکومت دوبارہ اپنی پرانی روش پر اتر آئے گی۔ پاکستان اپنی سلامتی کے لیے تمام سکیورٹی چیلنجز کا منہ توڑ جواب دینے کے لیے مکمل تیار ہے۔
