وزارت اطلاعات و نشریات نے امریکی بحریہ کی جانب سے پاکستانی سرزمین سے ایران کے خلاف کارروائی کے دعوے کو بے بنیاد اور من گھڑت پروپیگنڈا قرار دے دیا ہے۔
وزارت نے سماجی رابطے کی ویب سائٹ ایکس پر جاری بیان میں واضح کیا کہ شمالی امریکا سے تعلق رکھنے والے ایک اکاؤنٹ نے دعویٰ کیا تھا کہ امریکی بحریہ پاکستان کی اجازت سے پاکستانی سرزمین سے ایران کے خلاف کارروائیاں کر رہی ہے۔ وزارت نے اس دعوے کو مسترد کردیا۔
وزارت اطلاعات کے مطابق ایسے بے بنیاد دعوضں کو مزید پھیلانا کنفیوژن، غلط فہمیوں اور انتشار پیدا کرنے کے وسیع تر ایجنڈے کا حصہ ہے۔
وزارت نے کہا کہ سوشل میڈیا پر گردش کرنے والی ایسی پوسٹس کسی سنجیدہ مبصر کی توجہ کے لائق نہیں ہیں۔ ان کے مطابق ایسی بے بنیاد خبروں کو پروپیگنڈا سمجھ کر ہی ان سے نمٹنا چاہیے۔
وزارت اطلاعات نے یہ وضاحت ایکس پر اپنے فیکٹ چیکر اکاؤنٹ کے ذریعے جاری کی۔
