پی ٹی آئی کے حالیہ کور کمیٹی اجلاس میں حکومت کے ساتھ مذاکرات اور سیاسی حکمت عملی پر پارٹی رہنماؤں کے درمیان شدید اختلافات کھل کر سامنے آ گئے ہیں۔
اجلاس کے دوران اراکین نے پارٹی قیادت پر تنقید کرتے ہوئے لانگ مارچ کی تاریخ سے لے کر ایمرجنسی کے نفاذ تک کے تمام واقعات کی تحقیقات کے لیے فیکٹ فائنڈنگ کمیٹی بنانے کا مطالبہ کیا۔
اراکین کا کہنا تھا کہ حکومت کے ساتھ ہونے والی ملاقاتوں کی تفصیلات اور اہم فیصلے ان سے چھپائے گئے، لہٰذا کمیٹی بنا کر مذاکرات کی ناکامی کے ذمہ داروں کا تعین کیا جائے۔
دوسری جانب ذرائع کا کہنا ہے کہ پی ٹی آئی کے چیئرمین بیرسٹر گوہر علی خان نے اراکین کا فیکٹ فائنڈنگ کمیٹی کی تشکیل کا مطالبہ صاف انکار کرتے ہوئے مسترد کر دیا ہے۔
دیکھیے: روسی وزیر داخلہ کی فیلڈ مارشل عاصم منیر سے ملاقات، سکیورٹی تعاون پر گفتگو
