فیلڈ مارشل عاصم منیر ایران پہنچ گئے ہیں۔ ایرانی میڈیا کے حوالے سے خبر ایجنسی رائٹرز نے ان کی تہران آمد کی اطلاع دی ہے۔
دورے کے دوران فیلڈ مارشل عاصم منیر کی ایرانی حکام سے ملاقاتیں متوقع ہیں۔ ان ملاقاتوں میں دوطرفہ تعاون، اہم علاقائی امور اور خطے کی تازہ صورتحال پر تبادلہ خیال کیا جائے گا۔
فیلڈ مارشل عاصم منیر کے دورہ ایران کے ایجنڈے میں ایران اور امریکہ کے درمیان کشیدگی کم کرنے کے لیے پاکستان کے ممکنہ ثالثی کردار پر بات چیت بھی شامل ہے۔
یہ دورہ ایسے وقت میں ہو رہا ہے جب خطے کی صورتحال اور ایران امریکہ تعلقات عالمی توجہ کا مرکز ہیں۔ تاہم، ملاقاتوں کے حتمی شیڈول اور مذاکرات کے ممکنہ نتائج سے متعلق مزید تفصیلات سامنے نہیں آئی ہیں۔
