راولپنڈی کی انسدادِ دہشت گردی کی عدالت نے بیریئر ہٹانے اور کار سرکار میں مداخلت کے کیس میں ایمان مزاری اور ہادی علی چٹھہ کو 10، 10 سال قید کی سزا سنا دی۔
عدالت کے جج طاہر عباس سپرا نے اڈیالہ جیل میں فیصلہ سنایا۔ عدالت نے تین مختلف دفعات کے تحت سزا کا حکم دیا اور دونوں پر جرمانہ بھی عائد کیا۔
کیس میں ایمان مزاری اور ہادی علی چٹھہ پر 7 اکتوبر کو فردِ جرم عائد کی گئی تھی۔ عدالت نے مقدمے میں سرکاری وکیل مقرر کیا تھا، جنہوں نے گواہان پر جرح کی۔ استغاثہ نے مقدمے میں مجموعی طور پر 7 گواہان پیش کیے۔
ایمان مزاری اور ہادی علی چٹھہ کے خلاف 25 اکتوبر 2024 کو مقدمہ درج کیا گیا تھا۔ عدالت نے اسی مقدمے میں دونوں کو قید اور جرمانے کی سزا سنائی۔
