کراچی کے علاقے گلستانِ جوہر موڑ پر رکشے کی کار کو ٹکر لگنے کے بعد کار سوار خاتون مشتعل ہوگئی اور سڑک پر ٹریفک روک دی۔ واقعے کی ویڈیو سوشل میڈیا پر وائرل ہوگئی۔
پولیس کے مطابق واقعہ گزشتہ صبح پیش آیا۔ رکشے کی ٹکر سے کار کو نقصان پہنچنے پر خاتون نے غصے میں رکشے سمیت دیگر گاڑیوں کو بھی نقصان پہنچایا۔
گاڑی کے بونٹ پر چڑھ گئی
سوشل میڈیا پر گردش کرنے والی ویڈیو میں خاتون کو رکشہ ڈرائیور کی جگہ بیٹھ کر اپنی گاڑی کی چابیاں مانگتے دیکھا جا سکتا ہے۔ اس دوران موقع پر شہریوں کی بڑی تعداد جمع ہوگئی۔
راشد منہاس روڈ سے جوہر موڑ جانے والی سڑک پر ٹریفک بھی معطل ہوگئی۔ ویڈیو میں خاتون کو ٹریفک روکنے کی کوشش کرتے دیکھا جا سکتا ہے۔
https://www.instagram.com/reel/DfC_nTkREym/?utm_source=ig_web_copy_link&dlrf=NTc4MTIwNjQ2YQ==
رپورٹ کے مطابق ایک شہری نے گاڑی نکالنے کی کوشش کی تو خاتون اس کے بونٹ پر چڑھ گئی۔ شہری نے اسے دھکا دے کر گاڑی سے نیچے گرا دیا۔
پولیس کے مطابق اطلاع ملنے پر اہلکار موقع پر پہنچے اور خاتون کو شاہراہ فیصل تھانے منتقل کردیا۔
بعدازاں خاتون کے اہل خانہ تھانے پہنچے اور معافی مانگی۔ انہوں نے متاثرہ افراد کے نقصان کا ازالہ کرنے کی یقین دہانی بھی کرائی۔
