یمن کی مسلح افواج نے حوثی ملیشیا کے خلاف آپریشن فجر الیمن کے تحت بڑی کارروائیاں جاری رکھنے کا اعلان کیا ہے۔ یمنی فوج نے گزشتہ 24 گھنٹوں کے دوران 427 حوثی جنگجوؤں کو ہلاک کرنے اور 142 فوجی گاڑیاں تباہ کرنے کا دعویٰ کیا ہے۔
یمنی مسلح افواج کے بیان کے مطابق حالیہ کارروائیوں میں حوثی قیادت، جنگجوؤں کے اجتماعات اور فوجی قافلے کو نشانہ بنایا گیا۔ اس کے علاوہ ملیشیا کی کمک، فوجی ٹھکانوں اور رسد کے ذرائع پر بھی حملے کیے گئے۔
بیان میں کہا گیا ہے کہ صوبہ الجوف کے مختلف محاذوں پر کارروائیوں کے دوران کئی اہم مقامات اور تزویراتی پوزیشنز کا کنٹرول حاصل کرلیا گیا ہے۔
یمنی فوج کے مطابق 24 گھنٹوں کے دوران 427 حوثی جنگجو ہلاک کیے گئے، جبکہ 142 فوجی گاڑیوں، جنگی سازوسامان اور نقل و حمل کے ذرائع کو بھی تباہ کیا گیا۔
یمنی مسلح افواج نے دعویٰ کیا ہے کہ آپریشن فجر الیمن کے آغاز سے اب تک حوثی ملیشیا کے خلاف مجموعی طور پر ایک ہزار 119 کارروائیاں کی جا چکی ہیں۔
