شہر کے علاقے نارتھ کراچی میں کپڑوں کی فیکٹری میں آگ لگنے سے اندر رکھا سامان جل کر خاکستر ہوگیا، تاہم واقعے میں کسی جانی نقصان کی اطلاع نہیں ملی۔
ریسکیو 1122 کے مطابق آتشزدگی کا واقعہ نارتھ کراچی سیکٹر 12 کے پلاٹ نمبر ڈی پی 55 میں پیش آیا۔ اطلاع ملتے ہی فائر اینڈ ریسکیو ٹیم ایمبولینس اور فائر بریگیڈ گاڑیوں کے ہمراہ جائے وقوعہ پر روانہ کردی گئی۔
ریسکیو ٹیم نے تین فائر بریگیڈ گاڑیوں کی مدد سے آگ پر قابو پالیا۔ حکام کے مطابق آگ بجھانے کے بعد کولنگ کا عمل بھی جاری رکھا گیا تاکہ دوبارہ آگ بھڑکنے کا خطرہ نہ رہے۔
ترجمان ریسکیو 1122 کا کہنا ہے کہ آتشزدگی کے دوران فیکٹری میں موجود سامان جل گیا، تاہم کسی شخص کے جاں بحق یا زخمی ہونے کی اطلاع موصول نہیں ہوئی۔
