بانی پی ٹی آئی عمران خان کی بہنوں نورین نیازی اور ڈاکٹر عظمیٰ خان کو رہا کر دیا گیا ہے۔ دونوں بہنوں کو ستمبر میں پنجاب مینٹیننس آف پبلک آرڈر کے تحت حراست میں لیا گیا تھا۔
جاری اطلاع کے مطابق نورین نیازی اور ڈاکٹر عظمیٰ خان کو رہائی مل گئی ہے۔
دونوں بہنوں کو 21 ستمبر 2026 کو لاہور سے حراست میں لیا گیا تھا۔ ان کی گرفتاری پاکستان تحریک انصاف کی جانب سے 27 ستمبر کو اسلام آباد کی طرف مجوزہ احتجاجی مارچ کی تیاریوں کے دوران عمل میں آئی تھی۔
ابتدائی طور پر دونوں کو 30 روز کے لیے نظر بند کیا گیا تھا، تاہم 7 اکتوبر کو پنجاب حکومت نے نورین نیازی، ڈاکٹر عظمیٰ خان اور علیمہ خان کی نظر بندی میں مزید 30 روز کی توسیع کر دی تھی۔
دوسری جانب عمران خان کی تیسری بہن علیمہ خان کی رہائی کے حوالے سے تاحال کوئی اطلاع سامنے نہیں آئی۔
