فتنۃ الخوارج اپنی تنظیمی کمزوریوں اور مسلسل ناکامیوں پر پردہ ڈالنے کے لیے سوشل میڈیا پر گمراہ کن پراپیگنڈے کا سہارا لے رہی ہے۔ جعلی ویڈیوز، مصنوعی بھرتیوں کی فوٹیج اور مصنوعی ذہانت سے تیار کردہ مواد کے ذریعے نوجوانوں کی حمایت اور اپنی تنظیمی طاقت کا جھوٹا تاثر پیدا کرنے کی کوشش کی جا رہی ہے
پاکستان میں دہشت گردی، انتہا پسندی اور تشدد کے خلاف عوامی ردعمل اس تنظیم کے بیانیے کے لیے ایک بڑا چیلنج ہے۔ مختلف سماجی طبقات کی جانب سے اس کے پرتشدد نظریات کو مسترد کیا جانا ظاہر کرتا ہے کہ سوشل میڈیا پر پیش کیے جانے والے دعوے لازمی طور پر زمینی حقائق کی عکاسی نہیں کرتے۔ عوامی حمایت کا مصنوعی تاثر پیدا کرنا دراصل پروپیگنڈے کے ذریعے اپنی ساکھ بحال کرنے کی کوشش ہے۔
دوسری جانب سکیورٹی فورسز کی انٹیلی جنس بنیادوں پر کارروائیاں فتنۃ الخوارج کے ٹھکانوں، نیٹ ورک اور سرگرمیوں کو نشانہ بنا رہی ہیں۔ مسلسل آپریشنل دباؤ کے باعث تنظیم کی سرگرمیوں کے لیے دستیاب گنجائش محدود ہونے کا دعویٰ بھی اس کے پراپیگنڈے اور زمینی صورتحال کے درمیان فرق کو سمجھنے کے لیے اہم ہے۔
مزید یہ کہ پاکستان میں اپنی سرگرمیاں جاری رکھنے کے لیے افغان سرزمین اور بیرونی وسائل پر انحصار کے الزامات اس تنظیم کے مقامی نیٹ ورک اور وسائل سے متعلق اہم سوالات اٹھاتے ہیں۔ ایسے میں ضروری ہے کہ سوشل میڈیا پر گردش کرنے والی ویڈیوز اور دعوؤں کو بغیر تصدیق قبول نہ کیا جائے بلکہ مستند شواہد اور زمینی حقائق کی بنیاد پر ان کا جائزہ لیا جائے۔
اصل سوال یہ ہے کہ جب کسی تنظیم کو اپنی طاقت ثابت کرنے کے لیے جعلی ویڈیوز اور من گھڑت کہانیوں کا سہارا لینا پڑے تو اس کے بیانیے کی ساکھ پر سوال اٹھنا فطری ہے۔
دیکھیے ؛ ٹانک میں فتنہ الخوارج کا حملہ ناکام، 12 دہشتگرد ہلاک، 15 جوان شہید





