افغانستان کے صوبے بدخشاں سے بڑی خبر سامنے آئی ہے جہاں جمعہ خان فتح نے افغان طالبان کے سامنے مکمل طور پر ہتھیار ڈال دیے ہیں۔
ذرائع کے مطابق جمعہ خان فتح سے وابستہ مسلح افراد نے بھی گزشتہ روز افغان سکیورٹی فورسز کے آگے اپنے اسلحے سمیت سرنڈر کر دیا ہے۔
رپورٹس کے مطابق افغان سکیورٹی فورسز نے صوبہ بدخشاں میں جمعہ خان فتح کی گرفتاری کے لیے گزشتہ چند روز کے دوران وسیع پیمانے پر سخت کارروائی شروع کر رکھی تھی۔
بتایا جاتا ہے کہ گزشتہ کئی دنوں سے علاقے میں فریقین کے درمیان شدید مزاحمت اور جھڑپوں کا سلسلہ جاری تھا، تاہم افغان سکیورٹی فورسز کی مسلسل پیش قدمی کے باعث مسلح افراد کو ہتھیار ڈالنا پڑے۔
دیکھیے: بدخشاں میں کشیدگی بڑھ گئی، طالبان نے نسی کی جانب جنگجو روانہ کر دیے