افغان طالبان کے اقتدار کے خلاف مسلح مزاحمت نے ایک بار پھر زور پکڑ لیا ہے، جس کے بعد ملک میں سکیورٹی صورتحال سے متعلق نئے سوالات کھڑے ہو گئے ہیں۔
افغانستان کے مسلح گروپ نیشنل ریزسٹنس فرنٹ (این آر ایف) نے طالبان فورسز کے خلاف اپنی حالیہ کارروائیوں کی ایک نئی ویڈیو جاری کی ہے، جس میں طالبان ٹھکانوں کو نشانہ بناتے ہوئے دکھایا گیا ہے۔
مقامی ذرائع کے مطابق حالیہ مہینوں کے دوران افغانستان کے مختلف حصوں میں طالبان مخالف مزاحمتی سرگرمیوں میں نمایاں اضافہ ریکارڈ کیا گیا ہے۔
دوسری جانب افغان طالبان انتظامیہ پر یہ سنگین الزام عائد کیا جا رہا ہے کہ وہ ملک میں اپنے خلاف پھیلتی ہوئی مسلح مزاحمت کی خبروں اور اطلاعات کو بین الاقوامی اور مقامی میڈیا پر آنے سے روکنے کے لیے سنسرشپ کا سہارا لے رہی ہے اور حقائق کو دبانے کی کوششوں میں مصروف ہے۔
دیکھیے: بدخشاں میں طالبان کے اندرونی اختلافات شدت اختیار کر گئے، اقتدار اور وسائل پر کشمکش نمایاں