باجوڑ: پولیس نے تھانہ خار کی حدود میں جھانگیر آباد کے علاقے میں کارروائی کرتے ہوئے شرپسند عناصر کی جانب سے چھپائے گئے 14 مارٹر گولے برآمد کر لیے۔
پولیس کے مطابق کارروائی سرکل ڈی ایس پی خار کی نگرانی میں بم ڈسپوزل اسکواڈ نے کی، جس نے برآمد شدہ مارٹر گولوں کو محفوظ تحویل میں لے لیا۔
پولیس کا کہنا ہے کہ بروقت کارروائی کے باعث علاقے کو ممکنہ جانی و مالی نقصان سے بچا لیا گیا، جبکہ واقعے سے متعلق مزید قانونی کارروائی جاری ہے۔
ڈی پی او باجوڑ خان زیب مہمند نے کہا کہ پولیس شرپسند عناصر کے عزائم ناکام بنانے اور عوام کے جان و مال کے تحفظ کے لیے اقدامات جاری رکھے گی۔
دیکھیے: پاک افغان سرحد پر دراندازی کی کوشش ناکام، 3 افغان شہری گرفتار
