بلوچستان: کوئٹہ سمیت بلوچستان بھر میں موبائل انٹرنیٹ ڈیٹا سروس سیکیورٹی خدشات کی بنا پر معطل کر دی گئی ہے۔
بلوچستان کے صوبائی حکام کے مطابق کوئٹہ سمیت بلوچستان کے اکثر علاقوں میں موبائل انٹرنیٹ سروس سیکیورٹی خدشات کی بنا پر بند کی گئی ہے، انتظامیہ کے مطابق موبائل سروس 15 اگست تک بند رہنے کا امکان ہے۔
پاکستان ٹیلی کمیونیکیشن اتھارٹی ( پی ٹی اے ) کے مطابق بلوچستان کے مختلف اضلاع چمن، قلعہ عبداللہ، پشین، قلعہ سیف اللہ اور نوشکئی سمیت اہم اضلاع میں سروس معطّل ہے۔ مذکورہ اقدام موجودہ حالات اور سکیورٹی اہلکاروں پر جاری حملوں کے پیش نظر انتظامیہ کی جانب سے یہ اقدام اُٹھایا گیا۔ ۔
موبائل و انٹرنیٹ سروس کی معطلی کے باعث نہ صرف روز مرہ کی سرگرمیاں متاثر ہیں بلکہ تعلیم، ای کامرس بھی بُری طرح سے تعطل کا شکار ہیں۔
شہریوں کی جانب بیان سامنے آیا ہے کہ بلوچستان میں پہلے بھی موبائل، انٹرنیٹ سروس بہتر نہیں تھی لیکن کل سے موبائل و انٹرنیٹ سروس بلکل معطل ہے ۔
دیکھیں: مستونگ میں سکیورٹی فورسز پر دھماکہ، تین سکیورٹی اہلکار شہید