بنوں کے علاقے ڈومیل میں پولیس اور سکیورٹی فورسز نے بروقت انٹیلی جنس بیسڈ آپریشن کرتے ہوئے فتنۃ الخوارج کے 5 دہشت گردوں کو ہلاک کر دیا۔
ہلاک ہونے والوں میں انتہائی مطلوب دہشت گرد کمانڈر ایوب عرف ایوبی بھی شامل ہے، جس کی گرفتاری یا ہلاکت پر 90 لاکھ روپے انعام مقرر تھا۔
حکام کے مطابق آپریشن خفیہ اطلاع پر کیا گیا، جس میں دہشت گردوں کی موجودگی کی نشاندہی کے بعد علاقے کو گھیرے میں لے لیا گیا۔ کارروائی کے دوران فریقین کے درمیان فائرنگ کا تبادلہ بھی ہوا۔
بنوں ریجن میں سکیورٹی فورسز اور سی ٹی ڈی کی جانب سے فتنۃ الخوارج کے خلاف اس نوعیت کی کارروائیاں تسلسل سے جاری ہیں، جن میں حالیہ ہفتوں کے دوران متعدد اہم کمانڈر اور جنگجو ہلاک کیے جا چکے ہیں۔
حکام کا کہنا ہے کہ علاقے میں سرچ اینڈ کلیئرنس آپریشن بھی مکمل کیا گیا اور فرار دہشت گردوں کی گرفتاری کے لیے کارروائیاں جاری رہیں گی۔ سکیورٹی ادارے دہشت گردی کے مکمل خاتمے تک اسی طرح کے آپریشنز جاری رکھنے کے عزم کا اظہار کر چکے ہیں۔
دیکھیے: بلوچستان: آپریشن رد الفتنہ 3 کے تحت انٹیلی جنس بیسڈ کارروائیاں، 9 دہشت گرد ہلاک