خیبرپختونخوا: بنوں کے علاقے مالی خیل میں سکیورٹی فورسز کے قافلے کو نشانہ بنانے کی خودکش حملے کی کوشش ناکام بنا دی گئی۔
اطلاعات کے مطابق دہشت گردوں نے گاڑی کے ذریعے قافلے پر حملے کی کوشش کی، تاہم چوکس اہلکاروں نے بروقت مشتبہ گاڑی کا سراغ لگا کر اسے دور سے نشانہ بنایا۔ اس کارروائی کے نتیجے میں گاڑی میں نصب دھماکا خیز مواد قبل از وقت پھٹ گیا۔
ابتدائی رپورٹس کے مطابق سیکیورٹی فورسز کے کسی بڑے جانی نقصان کی فوری طور پر کوئی اطلاع سامنے نہیں آئی۔
رپورٹ کے مطابق افغانستان میں موجود گروہ فتنہ الخوارج سے منسلک اتحاد المجاہدین پاکستان نے اس وی بی آئی ای ڈی حملے کی ذمہ داری قبول کرنے کا دعویٰ کیا ہے۔
واضح رہے کہ مالی خیل کا علاقہ اس سے قبل بھی سکیورٹی فورسز پر حملوں کا نشانہ بن چکا ہے، اور یہاں گزشتہ عرصے میں بھی متعدد کارروائیاں رپورٹ ہو چکی ہیں۔
دیکھیے: بلوچستان: آپریشن رد الفتنہ 3 کے تحت انٹیلی جنس بیسڈ کارروائیاں، 9 دہشت گرد ہلاک