بنوں میں سکیورٹی فورسز نے خوارج کی موجودگی اور نقل و حرکت کی مصدقہ اطلاعات پر انٹیلی جنس بیسڈ آپریشن کیا۔ جس کا مقصد علاقے میں موجود خوارج عناصر کا سراغ لگا کر انہیں غیر مؤثر بنانا اور مقامی آبادی کو دہشتگردی کے خطرے سے محفوظ رکھنا تھا۔
تفصیلات
اطلاعات کی بنیاد پر سکیورٹی فورسز نے فوری کارروائی کرتے ہوئے دہشتگردوںکے ٹھکانے کو نشانہ بنایا۔ فائرنگ کے تبادلے کے دوران خوارج نے علاقے سے فرار ہونے کی کوشش کی، تاہم فورسز نے بروقت کارروائی کرتے ہوئے ان کی نقل و حرکت کو محدود کر دیا۔
کارروائی کے نتیجے میں متعدد خوارج ہلاک ہوئے جبکہ ان کے ٹھکانوں کو بھی تباہ کر دیا گیا۔ فورسز کے مطابق ٹھکانوں کی تباہی سے دہشتگرد عناصر کی علاقے میں دوبارہ منظم ہونے اور کارروائیوں کی منصوبہ بندی کرنے کی صلاحیت کو نقصان پہنچا ہے۔
واضح رہے کہ آپریشن 11 گرج گزشتہ دو ماہ سے خیبر پختونخوا بھر میں جاری ہے، جس کے تحت باجوڑ، خیبر، شمالی وزیرستان اور بنوں سمیت متعدد اضلاع میں انٹیلی جنس بیسڈ کارروائیاں کی جا چکی ہیں۔ ان کارروائیوں میں اب تک متعدد خوارج ہلاک، سہولت کار گرفتار اور بھاری مقدار میں اسلحہ و بارودی مواد برآمد کیا جا چکا ہے۔
دیکھیے: شمالی وزیرستان میں بڑا آپریشن: ٹی ٹی پی کا اہم کمانڈر ہلاک