جھل مگسی: ضلع جھل مگسی کے تھانہ کوٹرا پر فتنہ الخوارج سے تعلق رکھنے والے دہشتگردوں نے حملہ کر دیا، جسے پولیس اور مقامی افراد نے بروقت کارروائی کرتے ہوئے ناکام بنا دیا۔
پولیس کے مطابق حملے کے دوران دہشتگردوں نے فائرنگ کی، جبکہ اس افسوسناک واقعے میں 11 سالہ بچہ فیاض حسین، جو پانی لینے گیا تھا، دہشتگردوں کی فائرنگ سے شہید ہو گیا۔
ایس ایچ او کی قیادت میں پولیس نے فوری جوابی کارروائی کی، جس میں مقامی افراد نے بھی بھرپور تعاون کیا، نتیجتاً حملہ آور فرار ہونے پر مجبور ہوگئے۔
کارروائی کے دوران دو دہشتگرد ہلاک جبکہ چار زخمی ہوئے، جن کے بارے میں سکیورٹی ادارے مزید تحقیقات کر رہے ہیں۔
حکام کے مطابق علاقے میں سرچ آپریشن جاری ہے اور دہشتگردوں کے خلاف کارروائیاں مزید تیز کی جا رہی ہیں۔
دیکھئیے:افغانستان فریڈم فرنٹ کا آپریشن دوبارہ شروع، بدخشاں میں طالبان پر حملے کا دعویٰ