Skip to content 
خیبرپختونخوا کے ضلع کوہاٹ میں سی ٹی ڈی اور ضلعی پولیس نے مشترکہ کارروائی کے دوران فتنہ الخوارج سے تعلق رکھنے والے 6 دہشتگردوں کو ہلاک کر دیا۔
پولیس کے مطابق لاچی کے علاقے میں ہونے والے شدید فائرنگ کے تبادلے کے بعد دہشتگردوں کو ہلاک کیا گیا۔
کارروائی کے دوران دہشتگردوں کے قبضے سے بھاری اسلحہ برآمد کیا گیا جس میں 6 سب مشین گنز اور دستی بم شامل ہیں۔
انسپکٹر جنرل خیبرپختونخوا پولیس ذوالفقار حمید نے کارروائی میں حصہ لینے والی ٹیموں کی بہادری کو سراہتے ہوئے انہیں شاباش دی ہے۔
