ترجمان سی ٹی ڈی کے مطابق کوئٹہ کے علاقے درخشاں میں کی گئی کاروائی میں 8 دہشت گرد ہلاک ہوئے۔ دوسری جانب بارکھان میں ایک اور کامیاب آپریشن کے دوران 6 دہشت گردوں کو جہنم واصل کیا گیا۔ ترجمان نے تصدیق کی ہے کہ ہلاک ہونے والے دہشت گردوں کا تعلق کالعدم تنظیم ‘فتنہ الخوارج’ سے تھا اور وہ صوبے میں بڑی تخریبی کاروائیوں کی منصوبہ بندی کر رہے تھے۔
جانی نقصان
فائرنگ کے تبادلے میں سی ٹی ڈی کے 3 اہلکار بھی زخمی ہوئے ہیں جنہیں فوری طبی امداد کے لیے ہسپتال منتقل کر دیا گیا ہے۔ آپریشن کے بعد دہشت گردوں کے ٹھکانوں سے بھاری مقدار میں جدید اسلحہ اور گولہ بارود برآمد کیا گیا ہے۔
حکومتی ردِعمل
وفاقی وزیرِ داخلہ محسن نقوی نے فتنہ الخوارج کے خلاف اس کامیاب اور فیصلہ کن کاروائی پر سی ٹی ڈی بلوچستان کو خراجِ تحسین پیش کیا ہے۔ اپنے بیان میں انہوں نے کہا کہ سی ٹی ڈی کی بہادری قابلِ ستائش ہے، جنہوں نے بروقت کاروائی کر کے دہشت گردوں کے مذموم عزائم کو خاک میں ملا دیا۔ انہوں نے مزید کہا کہ بلوچستان میں پائیدار امن کے قیام کے لیے سکیورٹی اداروں کی قربانیاں اور کامیابیاں قوم کے لیے باعثِ فخر ہیں۔
دیکھیے: کے پی میں سکیورٹی فورسز کا آپریشن، فتنہ الخوارج کا سرغنہ نور اسلام ہلاک