ضلع دیر کی تحصیل دوبندون میں سیکیورٹی فورسز نے انٹیلی جنس بیسڈ آپریشن کے دوران کالعدم تحریک طالبان پاکستان کے ذیلی گروہ فتنۃ الخوارج سے تعلق رکھنے والے 3 دہشت گردوں کو ہلاک کر دیا۔
سیکیورٹی فورسز کی جانب سے دہشت گردوں کی موجودگی کی اطلاع ملنے پر دوبندون کے علاقے میں کارروائی کی گئی۔ آپریشن کے دوران دہشت گردوں اور سیکیورٹی فورسز کے درمیان فائرنگ کا تبادلہ ہوا، جس کے نتیجے میں 3 خوارج ہلاک ہو گئے۔
کارروائی کے بعد سیکیورٹی فورسز نے موقع سے ہلاک دہشت گردوں کی لاشیں اور ان کے قبضے سے اسلحہ برآمد کر لیا ہے۔
علاقے میں کسی دیگر دہشت گرد عنصر کے خاتمے کے لیے سیکیورٹی فورسز کی جانب سے کلیئرنس آپریشن جاری ہے۔ حکام کے مطابق دہشت گردی کے مکمل خاتمے تک ایسی کارروائیاں بلاتعطل جاری رہیں گی۔
دیکھیے: اورکزئی میں سکیورٹی فورسز کا بڑا آپریشن، 2 دہشت گرد ہلاک
