اسلام آباد: سوشل میڈیا پر ایرانی وفد کے طیارے کی اسلام آباد آمد سے متعلق دعوے کو فیک نیوز قرار دے دیا گیا ہے، جبکہ تحقیقات میں سامنے آیا ہے کہ یہ معلومات ایک ایسے اکاؤنٹ سے پھیلائی گئیں جو خود کو ایرانی ظاہر کرتا ہے لیکن یورپ سے آپریٹ ہو رہا ہے اور اسرائیلی مفادات سے منسلک بتایا جا رہا ہے۔
فیکٹ چیکنگ ذرائع کے مطابق اس اکاؤنٹ نے یہ تاثر دینے کی کوشش کی کہ ایران اور اسرائیل کے درمیان کسی قسم کے پس پردہ مذاکرات پاکستان میں ہو رہے ہیں، تاہم اس دعوے کی کوئی مصدقہ بنیاد موجود نہیں۔
ذرائع کا کہنا ہے کہ نہ تو کسی ایرانی وفد کی پاکستان آمد ہوئی ہے اور نہ ہی ایران اور اسرائیل کے درمیان اس حوالے سے کوئی بات چیت جاری ہے۔
دوسری جانب رپورٹس کے مطابق ایران نے پاکستان کے وقت کے مطابق رات 9 بج کر 11 منٹ پر اسرائیل پر میزائل حملوں کی نئی لہر شروع کی، جو اس بات کی نشاندہی کرتی ہے کہ کشیدگی بدستور برقرار ہے۔
تجزیہ کاروں کے مطابق سوشل میڈیا پر اس نوعیت کے جعلی بیانیے کا مقصد عالمی رائے عامہ کو گمراہ کرنا اور غلط تاثر پیدا کرنا ہوتا ہے، اس لیے ایسی معلومات کی تصدیق انتہائی ضروری ہے
دیکھئیے:پرانی تصویر سے نئے پروپیگنڈا کی کوشش بے نقاب: طالبان ترجمان کے دعوے مسترد