سلمان علی آغا پر آئی سی سی کا جرمانہ، ایک ڈی میرٹ پوائنٹ بھی دے دیا گیا

انٹرنیشنل کرکٹ کونسل (آئی سی سی) نے ضابطہ اخلاق کی خلاف ورزی پر پاکستانی آل راؤنڈر سلمان علی آغا پر جرمانہ عائد کر دیا۔

آئی سی سی کے مطابق بنگلادیش کے خلاف میچ کے دوران رن آؤٹ ہونے پر سلمان علی آغا نے غصے کا اظہار کرتے ہوئے میدان میں اپنے دستانے اور ہیلمٹ زمین پر پھینک دیے۔

آئی سی سی کا کہنا ہے کہ یہ عمل کوڈ آف کنڈکٹ کی خلاف ورزی ہے جس پر ان پر میچ فیس کا جرمانہ اور ایک ڈی میرٹ پوائنٹ عائد کیا گیا۔

آئی سی سی کے مطابق سلمان علی آغا نے اپنی غلطی تسلیم کر لی جس کے بعد معاملہ وہیں نمٹا دیا گیا۔

دیکھئیے:دی ہنڈریڈ لیگ: بھارتی ملکیتی ٹیم میں ابرار احمد کی شمولیت پر بھارت میں ہنگامہ