انگلینڈ کی دی ہنڈریڈ لیگ میں پاکستانی اسپنر ابرار احمد کی بھارتی ملکیتی ٹیم سن رائزرز لیڈز میں شمولیت پر بھارت میں شدید تنقید سامنے آ رہی ہے۔
میڈیا رپورٹس کے مطابق بھارتی شائقین پاکستانی کھلاڑی کو ٹیم میں شامل کرنے کے فیصلے پر ناراض ہیں جبکہ بعض حلقوں نے ابرار احمد کو بھارتی ٹیم کے خلاف میدان میں ان کے رویے اور کارکردگی کی وجہ سے ناپسند قرار دیا ہے۔
اس معاملے پر بی سی سی آئی کے نائب صدر راجیو شکلا نے کہا کہ یہ بیرون ملک لیگ کا معاملہ ہے اور اس کا آئی پی ایل سے کوئی تعلق نہیں۔
انہوں نے کہا کہ غیر ملکی لیگ میں ٹیم مالکان کے فیصلوں پر بھارتی کرکٹ بورڈ کا کوئی اختیار نہیں اور وہ اس معاملے میں کچھ نہیں کر سکتے۔
واضح رہے کہ دی ہنڈریڈ لیگ 2026 کی پلیئر نیلامی میں سن رائزرز لیڈز نے ابرار احمد کو ایک لاکھ 90 ہزار پاؤنڈز میں خریدا ہے۔
دیکھئیے:ٹرافی مسجد نہیں جا سکتی تو مندر کیوں گئی؟ ٹی ٹوئنٹی ورلڈ کپ ٹرافی پر بھارت میں نیا تنازع
