امریکی وسط مدتی انتخابات میں ریپبلکن پارٹی کو دھچکا لگنے کے بعد ایران کا ردعمل بھی سامنے آگیا۔ ایرانی پارلیمنٹ کے اسپیکر محمد باقر قالیباف نے انتخابی نتائج کو امریکی عوام کا جنگ کے خلاف فیصلہ قرار دیا ہے۔
قالیباف نے ایکس پر اپنے بیان میں کہا کہ امریکی عوام نے ضمیر کی آواز یا مہنگائی کے دباؤ کے تحت جنگ کے خلاف ووٹ دیا ہے۔ ان کے مطابق ایران بھی امریکی عوام کے اس مؤقف کی حمایت کرتا ہے۔
ایرانی پارلیمنٹ کے اسپیکر نے امریکی حکومت کو خبردار کرتے ہوئے کہا کہ اگر اس نے عوام کی خواہشات کو نظرانداز کیا اور بین الاقوامی طاقتوں کے دباؤ میں آکر فیصلے کیے تو اسے اس کے نتائج بھگتنا پڑ سکتے ہیں۔
انہوں نے کہا کہ جنگ کے خلاف عوامی پیغام کو نظرانداز کرنا امریکا کے لیے سنگین نتائج کا باعث بن سکتا ہے۔
قالیباف کا یہ بیان امریکی وسط مدتی انتخابات میں ریپبلکن پارٹی کو کانگریس کے دونوں ایوانوں میں ہونے والے نقصان کے بعد سامنے آیا ہے۔ ایران نے ان نتائج کو امریکی عوام کے جنگ مخالف رجحان سے جوڑتے ہوئے اپنا ردعمل ظاہر کیا ہے۔
