ایران کے خاتم الانبیاء سینٹرل ہیڈکوارٹر کے ترجمان بریگیڈیئر جنرل ابراہیم ذوالفقاری نے امریکہ کو خبردار کرتے ہوئے کہا ہے کہ اگر ایران کے بنیادی ڈھانچے پر حملہ کیا گیا تو ایران خطے کے بنیادی ڈھانچے کو نشانہ بنائے گا۔
ایرانی سرکاری میڈیا کے مطابق بریگیڈیئر جنرل ابراہیم ذوالفقاری نے اپنے بیان میں کہا کہ اگر امریکی صدر ڈونلڈ ٹرمپ اپنی دھمکیوں پر عمل کرتے ہیں تو ایران کی مسلح افواج کے فولادی وار خطے کے تمام بنیادی ڈھانچے کو اس طرح تباہ کر دیں گے کہ ان کا کوئی نشان باقی نہیں رہے گا۔
انہوں نے کہا کہ ایران کسی بھی صورت امریکہ کو آبنائے ہرمز میں مداخلت کی اجازت نہیں دے گا۔
ترجمان کے مطابق کسی بھی حالت میں اور کسی بھی طریقے سے امریکا جیسے غیر علاقائی ملک کو آبنائے ہرمز میں مداخلت کی اجازت نہیں دی جائے گی، یہ ایران کی ناقابلِ عبور سرخ لکیر ہے۔
ذرائع کے مطابق ایران نے بحرین، کویت اور اردن میں امریکی جارحانہ تنصیبات پر حملے جاری رکھنے کا بھی اعلان کیا ہے۔
یہ بیان ایسے وقت میں سامنے آیا ہے جب امریکہ اور ایران کے درمیان کشیدگی میں مسلسل اضافہ ہو رہا ہے اور دونوں ممالک ایک