آزاد جموں و کشمیر کے تارڑخیل روڈ پر کلیئرنس آپریشن کے دوران جوائنٹ عوامی ایکشن کمیٹی کے مسلح جتھے کی فائرنگ سے پاکستان رینجرز کے سپاہی شاہ نواز شہید جبکہ لانس نائیک بلال زخمی ہو گئے۔
یہ کلیئرنس آپریشن مقامی آبادی کی درخواست پر بند راستے کھولنے اور اشیائے خورونوش کی فراہمی بحال کرنے کے لیے جاری تھا۔ اسی دوران کے مسلح عناصر نے اسنائپرز سے فورسز کو نشانہ بنایا۔
معاشی و دفاعی ماہرین کے مطابق عوامی ایکشن کمیٹی کا یہ مسلح گروہ پہلے دن سے ہی پرتشدد اور ریاست مخالف سرگرمیوں میں ملوث رہا ہے۔ فورسز پر جدید ہتھیاروں سے حملہ اس کے منظم اور شرپسند ایجنڈے کو ثابت کرتا ہے۔
حکام کا کہنا ہے کہ ریاستی رٹ کو چیلنج کرنے والے اس مسلح جتھے کے خلاف زیرو ٹالرنس پالیسی کے تحت فیصلہ کن اور سخت ترین قانونی کارروائی کی جائے گی۔
علاقے میں بدامنی پھیلانے اور عوام کے راستے مسدود کرنے والے اس گروہ کے خاتمے اور سکیورٹی کی بحالی کے لیے آپریشن مزید تیز کر دیا گیا ہے۔
دیکھیے: آزاد کشمیر انتخابات: عوام نے کالعدم ایکشن کمیٹی کا بیانیہ مسترد کر دیا
