خیبر پختونخوا: کاٹلنگ کے پہاڑی علاقے میں سی ٹی ڈی کے انٹیلی جنس بیسڈ آپریشن میں 2 دہشت گرد ہلاک ہوگئے۔
سی ٹی ڈی کے مطابق دہشت گرد پہاڑی علاقے سے نیچے آکر کارروائی کی منصوبہ بندی کر رہے تھے، جس کی اطلاع پر کارروائی کی گئی۔ آپریشن کے دوران فائرنگ کے تبادلے میں 2 دہشت گرد مارے گئے۔
اطلاعات کے مطابق ہلاک دہشت گردوں کے قبضے سے 2 ایس ایم جیز، ایک ہینڈ گرینیڈ، 6 میگزین اور متعدد کارتوس برآمد ہوئے۔ دہشت گردوں کی شناخت کا عمل جاری ہے جبکہ ان کے کچھ ساتھی رات کی تاریکی میں فرار ہوگئے۔
حکام کے مطابق فرار دہشت گردوں کی گرفتاری کے لیے علاقے میں سرچ اور کلیئرنس آپریشن جاری ہے۔
دیکھیے: کرک میں طلبہ کا دھرنا، صوبائی حکومت کی تعلیمی ترجیحات پر سوالات